Անհատական հիգիենա - ԽԱՉՈՒՄՅԱՆ ատամնաբուժարան

Անհատական հիգիենա


Կարդացել են՝ 910

Բերանի խոռոչի ճիշտ խնամքԲերանի խոռոչի առողջության հիմքը ճիշտ և մանրամասն անհատական հիգիենան է: Ոչ մեկի համար արդեն գաղտնիք չէ, որ բերանի խոռոչի առավել հաճախ հանդիպող հիվանդությունների՝ կարիեսի, գինգիվիտի և պարօդոնտիտի հիմնական պատճառն ատամնափառն է: Ատամնափառը և ատամնաքարերը շատ հարուստ են պաթոգեն մանրէներով: Այդ մանրէներն իրենց կենսագործունեության ընթացքում արտազատում են թթուներ: Թթուներն ազդելով լնդերի վրա առաջացնում են բորբոքում, իսկ ատամների կարծր հյուսվածքների վրա՝ կարիես: Ատամնափառը և ատամնաքարերը հանդիսանում են այս մանրէների բնակավայրը:

Այս ամենից կարելի է գալ եզրակացության, որ քանդելով մանրէների բնակավայրը, կարելի է կանխել ստոմատոլոգիական հիվանդությունները: Այդ իսկ պատճառով ստոմատոլոգները խորհուրդ են տալիս կատարել որակյալ, ճիշտ և որ ամենակարևորն է կանոնավոր անհատական հիգիենա:

Ճիշտ անհատական հիգիենայի կատարման ուսուցումն, ինչպես նաև ճիշտ հիգիենիկ միջոցների ընտրությունը կատարում է ստոմատոլոգը: Թվում է թե շատ հեշտ է ատամներին ճիշտ խնամք ապահովել, և ի՞նչն է դժվար: Բոլորն էլ լվանում են ատամներն օրն երկու անգամ, իսկ որոշները նույնիսկ ավելի հաճախ: Բայց չնայած դրան մարդիկ այնուամենայնիվ ունեն խնդիրներ ատամների հետ: Ամբողջ հարցը կայանում է նրանում, որ սխալ են լվանում: Ինչպես ցույց է տալիս փորձն, ատամների սխալ լվանալը ոչ միայն օգուտ չունի, այլև՝ վնասում է: Օրինակ կոշտ ատամի խոզանակ օգտագործելը և ինտենսիվ շարժումներ կատարելը կարող է բերել սեպաձև դեֆեկտի առաջացման, լնդերի մեխանիկական վնասման, ինչպես նաև ատամների գերզգայունության:

Ինչպե՞ս խնամել ատամներըՇատերը չեն օգտագործում ատամնաթել և միջատամնային խոզանակներ, որոնց միջոցով է հնարավոր միայն լվանալ ատամների կողմնային մակերեսները: Շատ կարևոր է դրանց օգտագործումը, քանի որ ատամի խոզանակները չեն թափանցում ատամների կողմնային տարածությունները և հետևաբար այդտեղ կարող է զարգանալ կարիես: Ինչպես նաև ատամնաթելի սխալ օգտագործումը կարող է բերել միջատամնային լնդապտկիկի մեխանիկական վնասման:

Բերանի խոռոչի հիգիենան կազմում է մարդու անձնական հիգիենայի անբաժանելի մասը և հանդիսանում է շատ հիվանդությունների կանխարգելում: Բայց հիգիենիկ միջոցների սխալ օգտագործումը կարող է օրգանիզմին անվերադարձ վնասներ պատճառել: Այդ իսկ պատճառով, խոհրդակցեք Ձեր ստոմատոլոգի հետ և սովորեք ճիշտ հոգ տանել Ձեր առողջության մասին:

Կիսվել